ගඟ මැද කඩේ

කලින් කිව්ව වගේ ... මාදු ගඟේ තියෙන කුඩාම දූපත දැක්කනේ.

තව මහ ගොඩක් දේවල් එහෙදි දැක්ක වුනත් ... [ඒව පස්සෙ ටික ටික කියන්නම්]

විශේෂයෙන් දැක්ක .. වැඩිය අපිට දකින්න හම්බවෙන්නෙ නැති දෙයක් ගැන කියන්නයි යන්නෙ. මාදු ගඟේ දැනට ගිහිල්ල තියෙන උදවිය මේක දැකලත් ඇති. සහ ගනුදෙනු කරලත් ඇති.

මේක තමයි ජලාශයක් මැද තියෙන ..[ශ්‍රී ලංකාවෙ] මම දැකපු එකම කඩේ.

[තව කොහෙ හරි තියෙනවද කියල මම හරියටම දන්නෙ නෑ]

ඔබ බඩු ගන්න බලාපොරොත්තු වෙනව නම් අනිවාර්යයෙන්ම ඔරුවකින් හෝ බෝට්ටුවකින් යා යුතුයි. එහෙම යන්න අකමැති නම් පීනගෙන යන්නත් පුලුවන් ... [හැබැයි අර පාන් කන කිඹුලන්ගෙන් බේරිල .. හි .. හි ..]

මේ කඩේට… මම දැකපු විදිහට ගනුදෙනු කරුවන්ගෙත් අඩුවකුත් නෑ ... හැබැයි ඒ හුඟ දෙනෙක් විදේශිකයො.

 [මං හිතන විදිහට ස්වදේශිකයො වැඩිය යන්නෙ නැත්තෙ .. මිළ ගණන් අධිකයි කියල හිතලද කියන්නත් බෑ ]

ඒ නැතත් .. ''තව ටිකකින් ගොඩට යනවනෙ. එතකොට ඕන දෙයක් ගන්න බැරියැ '' යන අදහසින් ඉන්න නිසාද කියල කියන්නත් බෑ.

කොහොම වුනත් .. ඔයාලත් මාදු ගඟ බලන්න යනවනම් ..  මේ අමුතු කඩේටත් ගොඩවෙලා බලන්න.

හරි අමුතු අත්දැකීමක් වෙනවා සිකුරුයි.

පොඩිම දූපත

මේ තියෙන්නෙ ලංකාව ඇතුළත තියෙන ජලාශයක තිබෙන පොඩිම දූපතයි.

මේකට කියන්නෙ සත පහ දූපත කියලයි ...

අපිත් හිතුවෙ මේක සත පහක හැඩය ගත්ත නිසා ඒ නම දාල ඇති කියල වුනත් ...

පසුව දැනගන්න ලැබුණා ...පංසලක් … එහෙම නැත්නම් දේවාළයක්…  වගේ එකක් හදවන්න මේක මිළ දී ගෙන තියෙන්නෙ සත පහක මුදලකට නිසා ඒ නම ලැබුණු බව.

පසුව ඒ අදහස වෙනස් වෙලා ඊට ටිකක් ලොකු දූපතක පංසල හදල තියෙනව. [නමුත් සතපහ දූපතේ නටබුන් තවම දකින්නට පුලුවන්]

මේ දූපත මාදු ගඟ මැද්දෙ තියෙන ලස්සන දූපත් වලින් එකක්.

කැමති අයට පීනගෙන ගිහිල්ල බලන්න පුලුවන් ... හැබැයි කිඹුලො ඉන්නවා ...ලු ...

මට පොඩි උදව්වක් ඕන වෙලා තියෙනවා.

මට පොඩි උදව්වක් ඕන වෙලා තියෙනවා. ලංකාවේ පැරණි ගම්මානවල තිබුණ කඩ මංඩි [ 70 දශකයෙ වාගෙ ] පිළිබඳව වීඩියො ක්ලිප් ටිකක්.

මම පැරණි සිංහල චිත්‍රපටවලින් ටිකක් ගත්තා ... නමුත් විශාල කළාම පැහැදිළි මදි වගේ.

කවුරුහරි දන්නවද මේ ගැන යමක් ...

 [විනාඩි දෙකක / තුනක වගේ ක්ලිප් තිබුණනම් හොඳටම ඇතිවෙනවා.

''ඔබා මලයා නම් වූ සොඳුරු මිනිසා''

 

මේ ආරංචිය මම මුලින්ම දැක්කෙ ''වර්ණ'' ගෙ බ්ලොග් එකේ. මම විශ්වාස කෙරුවෙම නෑ.[මම කමෙන්ට් එකකුත් දැම්මා ඒක බොරුවක් කියල] කොහොමද ඉතින් ඇත්තක් කියල පිළිගන්නෙ. පස්සෙ අනෙකුත් බ්ලොග් වලත් මේ ගැන සඳහන් වෙලා තියෙනව දැක්කම තමයි ඔලුව තෝන්තු  වුනේ.

මට මතකයි... මීට මාස දෙක තුනකට විතර කලින් කාගෙ හරි බ්ලොග් එකක ඇති වූ සංවාදයකදි .. මං හිතන්නෙ මිහිරිගෙ එකේ වෙන්න ඇති..[මට හරියටම මතක නෑ] ඔබා මලයට මෙහෙම ලිව්ව. ''අනම් මනම් වැඩක් නෑ .. 22 දිහාවට ලංකාවට වැඩ්ඩ නම් ...'' ඒකට එයා එවපු උත්තරේ මෙහෙමයි... "හෙ.. හෙ ... ටිකට් ඔක්කොම බුක් කරලයි තියෙන්නෙ. පණපිටින් හිටියොත් එදාට බඩු එතන ඇති... "

ඉතින් කිව්ව වගේම සිහින උලෙළට  ඔහු ආව. අපි සුහද විදිහට හමු වෙලා සොඳුරු විදිහට කතාබහ කරමින් උන්න. මුලින්ම අහපු පුරස්නෙ තමයි මගෙ වයස කීයද කියන එක.[සමහරවිට මම එයාට මලය කියන නිසා වෙන්න ඇති] ''පුත්තලම් බූරුවො හත් දෙනෙකුත් තව ටිකක් විතර වයසයි'' මම කිව්ව. හෙහ්... හෙහ් ... ඔහු හිනා වුනා. මම හිතන්නෙ නෑ මේ සයිබරයෙ කාටවත්ම ඒ හිනාව අමතක වේවි කියල.

එදා ආපහු එද්දි ඔහුට කියල එන්න මට අමතක වුනා. ඔබා මලය අන්තිමටම ලියපු ... ''සත්තයි.. කුණුහරුප නෙවේ'' ලිපියට කමෙන්ට් කරත්දි .. මම ඒ බව සඳහන් කළා. ''ඔබා මලයා ... හුඟ කාලෙකින් නේ ...[ කණගාටුයි .. එදා කියල එන්නවත් බැරි වුනා] ''  ඔහු ඒකට දීපු උත්තරේ මෙන්න. '' කියල යන්න බැරි වුනාට දුක් වෙන්න එපා, හමුවීම තමා වැදගත්. අනික කවදාවත් අපිට හැමෝටම කියල යන්න නං ලැබෙන්නෙ නැහැ. ''

හරිම ඇත්තයි ...අපි හැමෝටම... හැමදෙනාටම... ''යනවා'' කියමින් යාමට ලැබෙන්නේ නෑ. ඉතින්... හමුවෙලා මාසයක් යන්නත් කලින් ...ඒක ඒ විදිහටම වෙලා තියෙනව.

වයසට ගොස් දුක් විඳිනවාට වඩා මෙහෙම හදිසියේම ''යාම'' ගැන අප එක අතකට දුක්විය යුතු නෑ... කියල මාරයාත්... අනෙක් අයත්..  කොතෙක් කීවත්... ඒක ඇත්ත වුනත් ... අප වැනි හුඟක් සංවේදී මිනිසුන්ට ඒක වලංගු වෙන්නෙ නෑ.

ඔබා මලයා ... ඔබට නිවන් සුව..

ඔබා මලයා ගේ සේයාරුව ලබාගෙන ඇත්තේ මාරයා ගේ බ්ලොගයෙනි. [ඔහු ඊට අමනාප නොවෙනවා ඇතැයි සිතමි]

 

 

 

 

 

 

 

 

නිල්පාට දත් ...

මට මේක ලියන්න හිතුනෙ අපේ සිංඩියෙ ගිය ලිපියක් දැකලා ... VITSKV    විසින් ලියපු. ඒක ලියල තිබුනෙ බ්ලූටූත් පිළිබඳවයි.

බ්ලූටූත් ගැන කියනකොට බොහොම ඉස්සර වෙච්ච හොඳ කතාවක් මතක් වුනා.

 ඒ දවස්වල අබාන්ස් එකේ හිටපු සුපවයිසර් නංගියෙකු ට හොඳ පෝන් එකක් තෑගි හම්බවෙලා. ඒක ඔය බ්ලූටූත් තියෙන එකක්. ඉතින් ඔය පෝන් එක පෙට්ටිය පිටින්ම උස්සගෙන මා ලඟට ආවා. [සමහරවිට මම හොඳ වැඩ්ඩෙක් කියල හිතල වෙන්න ඇති] ඇවිල්ල කිව්වා ...අයියෙ.. මට මේකෙ බ්ලූටූත් හොයාගන්න බෑ.. අනේ හොයල දෙන්නකො.. කියලා. 

මල මඟුලයි ... ඉතින් මම දන්නවයැ ඕවා ..[බ්ලූටූත් ආපු අලුතම කවුරුත්ම ඔය ගැන වැඩිය දන්නෙ නෑනේ]

දැන් කොහෙන්ද හොයන්නෙ ...දන්නෙ නෑ කියන්නත් බෑ... වස ලැජ්ජාවයි ..  දන්නව කියන්නත් බෑ ... එතකොට පෙන්නන්න වෙනවා. මම පෝන් එක එහෙට මෙහෙට හරව හරව කල්පනා කරනව දහ අතේ ...

කෝ .. ඉතින් දාල පෙන්නන්නකො ... මම දැකලම නෑ ඔය බ්ලූටූත් ...

[ඉතින් මමත් දැකල නෑනේ ඕයි ... මටත් තරහ ගිහින් .. හිතෙන් කිව්වා]

මම දැන් පෝන් එකේ අරක ඔබනවා ... මේක ඔබනවා ... මොන බ්ලූටූත් ද ...?  පෝන් එකේ හැම සෙටින් එකකටම ගිහින් බැලුවා .. මොන උලව්වක්ද ... මේක හොයා ගන්නම බැහැනේ ...

ටික වෙලාවක් මෙහෙම දඟලනකොට ... [මට අර දේව බැල්ම තියෙන හින්දද කොහෙද ...] ගණ දෙවියන්ගෙ අහවල් එක පහළ වුනා.

මම දැන් මෙහෙම කියනවා ... මේකෙ බ්ලූටූත් නම් තියෙනවා .. නමුත් පෙන්නන්නෙ නෑ. ඒ මොකද මේක අලුත් පෝන් එකක් නේ. ඔයා තවම මේකට සිම් එකක් දාලත් නැහැනේ ...

ඒ නිසා ඉස්සෙල්ලම පෝන් ෂොප් එකකට ගෙනියලා දාල තියෙන පරණ සිම් එක ගලවල දාලා...අලුත් සිම් එකක් දාගන්න. ඊට පස්සෙ ඒ ගොල්ලොන්ටම කියලා බ්ලූටූතු ත් දාගන්න. .. කියලා බොහොම අමාරුවෙන් ඒ පුරස්නෙන් ගැළවුනා.

අපෙ අප්පේ ... විළි ලැජ්ජාවේ සංතෝසේ බැරුවා වෙච්චි වැඩේට. තව පොඩ්ඩෙන් පටි රෝල් වෙනවා.

ඒ කාලෙ එහෙම වුනාට ... දැන් කාලෙ නම් හෝඩියෙ පන්තියෙ ඉන්න ළමයිනුත් දන්නවා බ්ලූටූත් කියන්නෙ මොනවද කියලා.

ඒත් VITSKV විසින් ලියපු මේ ලිපිය නිසා ඒ ගැන තවත් තොරතුරු හුඟක් දැනගත්තා.

ස්තූතියි VITSKV ට..

සුබ අලුත් අවුරුද්දක් වේවා හැමෝටම .....!

අලුත් අවුරුදු මේ දැන් උදා වුනා හරියටම හතයි විස්සට ... ඉතින් ඔන්න මේ බ්ලොග් අවකාශෙ ඉන්න හැමෝටම... අනුන්ට උදව් කරමින් තමන්ටත් යහපත්ව ජීවත් වීමට හැකි .. සුබම සුබ අලුත් අවුරුද්දක් උදාවේවා කියා පතනවා.

භූමි කම්පාවක්.....

මේ දැන් විනාඩි කීපයකට පෙර හරියටම පස්වරුදෙකයි කාලට පමණ .. මා සිටින ප්‍රදේශයේ එනම් පැලවත්ත පෙදෙසෙහි .. සුලු භූමි කම්පාවක් ඇති වුනා. [ඔෆිස් එකේ සමහර අයනම් එළියටත් දිව්වා]

හුඟ දෙනෙකුට එය නොදැනුනා වෙන්නත් පුලුවන්..

නමුත් මම සහ මගේ මිතුරා තේ පානය කරන තැන සිටි බැවින් එය හොඳාකාරවම දැනුනා. හොඳින්ම පොළොව පැද්දෙන බව තේරුනා.තත්පර 45 කටත් වඩා පැවති මෙය ඉන් පසු අඩු වී ගියා.

ඔබේ ප්‍රදෙශයටත් මෙය දැනුනාද ...?