''හුදෙකලා වී කෙම් බිමේ''

අද කියන්න යන පොත නම් ටිකක් විතර අමුතු එකක්.. ඒ වගෙම අරුම පුදුම කතාවක් තමයි මේකෙ තියෙන්නෙ.

[ මේ පොතේ කවරයෙ පිංතූර නම් ටිකක් අපැහැදිලියි. මොකද අපේ කට්ටිය ඒ පොත හමගැහෙනකම් ම කියවල .]

''හුදෙකලා වී කෙම් බිමේ'' යන නමින්මේක පරිවර්තනය කරල තියෙන්නෙ අපේ භාෂාවට  , එල්.බී හේරත් මහතා විසින්. පොත පළ කරල තියෙන්නෙ 2004 වසරෙදි.

පැරණි මිසරයේ පාරාවෝ රජවරුන්ගෙ කාලයේ ... එනම් ඈත අතීතයේ සිදුවූ සිදුවීම් තමා මෙහි විස්තර වෙන්නෙ.

ගඟ දිගේ පාවෙලා ආපු බඳුනක සිටි කුඩා දරුවෙක් ලොකු මහත් වී වෛද්‍ය විද්‍යාව ඉගෙන [ එකල තිබූ] පාරාවොගෙ සේවයට බැඳෙනව. ඔහු එම කාලයේ සිදු වූ සිදුවීම් විස්තර කරන ආකාරයයි මෙහි දැක්වෙන්නෙ.

අවසානෙදි ඔහු දැනගන්නව තමාත් පාරාවො ගෙ නිල නොලත් පුත්‍රයෙක් කියල.

ඉතාම හොඳ පොතක්.

කියවලා බලන්න.

ISBN – 055 – 1097 – 01 - 07

අපි හැමෝම පාසැල් ගිය කාලෙට ආසයි ....

අපි හැමෝම පාසැල් ගිය කාලෙට ආසයිනේ. එහෙම ආස නැති එකෙක් හරි එකියක් හරි ඉන්නවනම් උං මේ ලෝකෙ එවුන් වෙන්න බෑ.

අද කියන්න යන්නෙ කාගෙ කාගෙත් පාසැල් මතකය ඇවිස්සෙන විදිහෙ පොතක් ගැනයි.

ඊනිඩ් මේරි බ්ලයිටන් නැමති එංගලන්ත ජාතික කාන්තාව විසින් රචිත

 ''  The Twins at St. Clare’s   ''  නම් වූ මේ පොත  අපේ සිංහල බසට පරිවර්තනය කොට ඇත්තේ අධිනීතිඥ වරියක වන කුමාරි ගුණරත්න මහත්මිය විසිනි.

ඒ '' අලුත් පාසැල '' යන නමිනි.

මෙහි පළමු මුද්‍රණය 2004 වසරේදීත් දෙවන මුද්‍රණය 2007 වසරේදීත් සිදු කොට තිබෙයි.

''ආඩම්බරකාර නිවුන්නු''  වශයෙන් හැඳින්වෙන මෙහි කතානායක වරියන් දෙදෙනා පාසැලේ දී , අනෙක් ළමයිනුත් සමග එකතු වී කරන තක්කඩි වැඩ පිළිබඳව කියවන විට ...  අපි පාසැල් ගිය කාලයේ කළ නොයෙකුත් අලුගුත්තේරු මොට්ට දේවල් සිහිපත් වී සිනා ඒම නොවැළැක්විය හැක්කකි.

හැබැයි ...සමහර විට අපි පාසැල් ගිය කාලයේ කළ දේවල් සමග සසඳනවිට මුන් කළ දේවල් මොන මඟුලක්දැයි කියාද සිතේ.

මේ කතාවේ මා දකින අනෙක් විශේෂත්වය වන්නේ.. මේ කතාවම තවත් කෙනෙකු විසින් පරිවර්තනය කොට තිබීමය.

ඒ ''පෙරළිකාර මිතුරියෝ'' නමින් ප්‍රියංකා කහවනුගොඩ මහත්මිය විසිනි.

 දැන් මේ පොත් දෙකම හොඳට රසවත්ව ලියා තිබෙන බව කියන්න ඕන. පරිවර්තිකාවො දෙන්නම කාන්තාවො නිසා දෙන්නම හොඳයි කියල කියන්නම්.

ඉතින් කියවපු නැති කවුරු හරි ඉන්නවනම් අරගෙන කියවල බලන්න.

කෝර්ඩ් එක අවශ්‍ය අයට පහළ දානවා.

ISBN  955 - 569 - 599 - 7
BOOK CODE - 245230

''සඳ කිඳුරි''

මේ පොත නම් ටිකක් විතර වෙනස් පොතක්. මේකෙ නම තමා ''සඳ කිඳුරි''.

මේක ලියල තියෙන්නෙ කුමාර කරුණාරත්න කියන ලේඛකයා විසිනුයි.

ප්‍රකාශ කරල තියෙන්නෙ '' හංස '' ප්‍රකාශකයෝ.

මේ පොත ගැන කතු තුමාගෙ අදහස මෙහෙමයි.

මේ ජාතියෙ පොත්වලට අපි ඒ කාලෙ කිව්වෙ බොළඳ පෙම් කතා කියලයි. එහෙම  කියල නිකම් හිටියෙ නම් නෑ. ඒවත් සෑහෙන්න කියවල දැම්ම.

ඔය බොළඳ පෙම් කතා අතරෙ තරමක් හොඳ පෙම් කතාත් තිබුණ. හොඳ ඒව ගැන නිගමනයකට එන්න නම් අපි නරක ඒවත් කියවල බලන්න ඕන කියලයි මම හිතන්නෙ.

ඉතින් ... මේ කතාව ගැන කියනවනම් වරදක් කියන්න බෑ .තරමක් හොඳ කතාවක් තියෙන පොතක්.

හැමෝම කියවල බලන්න.

ඔන්න මම මේක  ISBN  එකත් පහළ දානවා.

ISBN   955 – 8504 – 12 - 2